الرئيسية / آخر الأخبار / قصيدة حنظله..عاميه بقلم الطيب عوض أحمد

قصيدة حنظله..عاميه بقلم الطيب عوض أحمد

Spread the love

قصيدة…. حنظله……عاميه
فى ذكرى وفاة الفنان الفلسطينى … ناجى العلى
حنظله……..
ولو ع النيه … اكيد ناوى
لكنى ببص لعيونك مبلمحش الضى ف السكه ….
اكيد ماشى بعكازى. … اكيد غاوى
ولا اعرفش من صمتى غير سواد الليل
عويل الفرن يشبه ف تكوينه
ضلام قلبك …فكان الويل
دليل السكه مش موجود
فكيف يعنى ضرير القلب يوم هيعود
سجود الشمس وقت الضحى مكنش سجود
دا هو هروب من الأحزان فى وقت الضيق
عشان لما النجوم تعود … يمكن يكون من حظ البدر أنه له فى سماه رفيق
وأنا ع الأرض لكن تايه. …. باعد بيدى كام م الخطا عديت
لقيتنى لسانى هناك ع الشط …….بس ما عديت
شديت شراعى بحاول مع الموج اللى لساه معاندنى
لقيت الوعد والمكتوب أكون واقف كما التمثال
وف عيون الغير أنا عديت
بصد الريح بعزم ما فيه…. لكن يخساره ما صديت
صحيت من نومى على نومك وأنا محتار
شايف من بعيد جنتك …. أقرب القانى وسط النار
يا فايته الدار …. امتى ليالى الفرح وياكى هنا هتعود
خنوع ورجوع وألم حسره. ….
لنفسى اللى ماليها سجود
أنا الطير اللى اتربط بدرى
ومين يدرى …. ما يمكن من غير جناح يطير
زفير الصدر بالاوجاع بيخلق من التنهيد جناحين
ورايح وين …. يا متغرب فى بلادك بلا أحباب
ورايح وين……يا ماسك ف العدا أصحاب
تراب الأرض من عنبر ومسك كمان
وأنا الإنسان لكنى هنا بتعامل كما الحيوان
فبلغى العقل والتفكير
وبسرح بالخيال لبعيد …..زى اى أسير
نفسه ف يوم يلاقى الدنيا حريه

الطيبعوضأحمد

تعليقات الفيس بوك

التعليقات

عن SAAMEAA altarabishy

x

‎قد يُعجبك أيضاً

عادات رمضانية..مقال بقلم د . ياسر مكي

Spread the love. . عادات رمضانية بالأمس كانت و اليوم ضاعت بقلم ...