الرئيسية / أدب الكتاب / الشاعر محمد السعداني – توحشت نكون صغير

الشاعر محمد السعداني – توحشت نكون صغير

Spread the love

تْوَحْشْتْ نْكونْ صْغيرْ…_______

لإيمتى تطرزي نحس المنامة يا مي(أمي)…؟

ݣلبي شاخ ؤ هو مَادْ إيدو للحنة…

رضعيني صبرك علميني كيف تْحْلْمِي؟

ؤ كيف تطفي بالضحكة نار الفتنة…؟

شلا عوافي ݣَايْدة ف دمي يا مي

عييت نسترها ؤ نݣول ما حلاها جنة !!!

خليني ننخض ب القصيدة دموع همي…

يمكن شكوة الكلام تْرَوُّبْ هاذ المحنة

خليني نْجَبّرْ ب خيط العين تْهْراسْ عظمي

نلمط عرايا ب قوافي ساكنة فوق اَلْݣُنّة

وهاذ الوعد الكافر محال يا مي

يْسْلمْ ؤ يْشدْ طريق السُّنة

رجعيني لحجرك ؤ أنتي تْنَظْمي يا مي

نقرقف من دْرازْكْ كيسان المعنى

بُرْمِينِي غْزيلْ بْلْدي ؤُ زِيدِي بُرْمِي

يمكن طُعْمةٰ كلامي تْحْفَظْ مْنْ لْغاكْ حَفْنَة

ديريني حرݣوس ؤ على وجهك رشمي

سبولة الزين على خد لالة الفنة

كوني العذرا تحت النخلة شاوري ؤ أمري

شحال من بْلَا(ء) يوجع ؤ فيه لذة وبنة

وُلْدينِي ثاني عنداك تندمي يا مي

توحشت نكون صغير…توحشت عَوْمْ اَلجّفْنَة….

إلا بْرْدَتٰ حرارة الأرحام ب ݣدمي

خطوتي ب دْفَاكْ يا لْحنينة تْدَّنَى

ؤ إلا حماض حليب الخاوة ب فُمِّي

رُشيني ب حلاوة المحبة ؤ الْمْحَنّة

هاذ الحظ الناعس ما كان ب علمي

رفسيه يا مي …تحت ݣدامك جنة…

الشاعر محمد السعداني

تعليقات الفيس بوك

التعليقات

عن دكتور محفوظ

x

‎قد يُعجبك أيضاً

لاشِين عَرَّاف الْقَرْيَة بِقَلَم رَمَضَان بَر

Spread the loveلاشِين عَرَّاف الْقَرْيَة بِقَلَم رَمَضَان بَر فِي الثمانينات اُشْتُهِر لاشِين ...