الرئيسية / أدب الكتاب / أهْلِ الْعِلِمْ أغْرابْ…بقلم الشّاعر جمال الخطيب

أهْلِ الْعِلِمْ أغْرابْ…بقلم الشّاعر جمال الخطيب

Spread the love

أهْلِ الْعِلِمْ أغْرابْ


سَمّيتْ حالَكْ مَلِكْ . وِتْوَشَّحِتْ ألْقااااابْ

حالِمْ بِكُرْسي الزَّجَلْ يِصْبِحْ إِلَكْ طابو

ظَمْآنْ شارِبْ وَهِمْ وِمْلازْمَكْ سِرْسابْ

حَبْكْ الْقَوافي عِلِمْ … نِيّاااال طُلاّاااابو

إِنْتَ بَّساطَه رَجُلْ هاوي دَجَلْ كَذّاااابْ

في الْبيتْ مالَكْ سَكَنْ إِرْجَعْ عَنِ عْتااابو

إِلْبيتْ طاهِرْ نَقي وِانْتَ الْبَعيدِ غْراااابْ

حَطّيتْ عَالْمُصْطَبي تِنْعَقْ بِمِحْراااابو

جامِعْ أصولِ الْغَبى وِالثّرْثَرا بِكْتااااابْ

أرْغَمْ قَوافي الشِّعِرْ تِنْفُرْ مِنْ جْنااااابو

مَغْلوطْ كُلّو هَبَلْ بِالصَّرْفْ وِالإعْرااابْ

كَسَّرْ شُموخِ الْخَبَرْ وِالْمُبْتَدى عااااابو

وِالْيومْ أهْلِ الْعِلِمْ في الْمُجْتَمَعْ أغْراااابْ

طِلْعوا عَسابِعْ سَما مِنْ ظيمْهُمْ غاااابوا

عَبّوا الْمَحابِرْ دَمِعْ ما حَصَّلوا إِعْجاااابْ

شافوا الْجَهولِ الْغَبي نيشان عَثْيااااابو

لَوْ قامْ فيهُمْ خَطبْ بِيْهَلّلوا تِرْحااااابْ

وِنْ صابْ صوتو عَطَبْ قالوا حَسَدْ صابو

إِلْعينْ عَالّلي حَكَى مِشْ عَالْحَكي الْمِنْسابْ

بِيْصيرْ شَقْفِةْ نَبي لَوْ خَرْخَشو جْيااااابو

عارِفْ كَلامي صَعِبْ بَسِّ الْحَقيقَهْ صابْ

خَلْخَلْ كَيانِ الْغَبي وِتْسَكَّرِ حْسااااابو

لَوْ غابْ يومِ الْقَمَرْ تاقَتْ لَنورو هْضابْ

خَلْعَتْ ثِيابِ الْحَلى حَدَّتْ عَلى غْيااااابو .

ــــــــــــــــــــــــــــــــــــــــــــــــــــــــــ

…………. الشّاعر : جمال الخطيب

تعليقات الفيس بوك

التعليقات

عن SAAMEAA altarabishy

x

‎قد يُعجبك أيضاً

سبع …. نام….خاطرة بقلم عاشق الوطن الشريف د.جهاد ابو محفوظ

Spread the loveسبع …. نام وظلم حل والكل نيام نقد وتجريح ديك ...