الرئيسية / الشعر العامى . / * الدمعة الصادقة *

* الدمعة الصادقة *

Spread the love

الدَمعَه الصادقـَة

************
لــَو ما بـكي العنقود، ما عِـتقـو الخمور 
ولا أنسكب بالكاس، دَمعَه ملبّكي 
ولــَو ما النِدي دَمعَه ،على خدود الزهور 
ما كان زرّ الورد، عا إمّو تِكي 
ولــَو ما المَطر دَمعَه، على خَـدّ الصخور 
ما نـَبـَت بالصَخر ،عِرق المِستكي 
الدَمعَه ! إذا بالصُدق غسّـلها الشعور
بتصير بالأفراح، بَسمه ، مش بــِكي
الدَمعَه! بعين الطـُـفـل بتخَرسِن نسور
وبتعلِّم العصفور فـَنّ التَكتَكي
ودَمعِة أسف !عا فَـقـد إنساني غَـيور 
بتِحمُـل معاني ،قـَدّ تاج المملكي
ودَمعِة عَتَب !مِن قـَلب متوجّع صَبور
يتِربَح بإسم الحـُب أكبر معركي
ونـَظرَه بعين الإمّ بتـنـَشِّف بحور 
وبفرد دَمعَه، بتخـتصِر كِـلّ الحـَكي 

**********

بقلم 
جوزيف شرابيّه

تعليقات الفيس بوك

التعليقات

عن نائب رئيس التحرير سلوي أحمد

x

‎قد يُعجبك أيضاً

زيت بذور اللفت الأكثر فعالية للحفاظ على القلب

Spread the loveتوصلت دراسة طبية، إلى أن زيت بذور اللفت يمكن أن ...