الرئيسية / آخر الأخبار / ينصر دينك يا بطل للشاعر المصري كامل زهران

ينصر دينك يا بطل للشاعر المصري كامل زهران

Spread the love

ينصر دينك يابطل…
قتلت ناس عزل كتير
ستات شيوخ وكمان عيال
ازحت عنا خطر كبيرررر
دي ناس بتقول الله محبه
والمحبه دي شئ خطير
اقتل بطرس. واقتل مينا
اللي اخواتهم ماتوا ف سينا
واللي ولادهم رقصوا ف فرحك
واللي في ميتم بيعزيينا
اقتل ماري. وطنط تريزا
دول ناس مافيهمش ولاميزه
دايما كده يبتسموا ف وشك
ويقولوا اهلا خطوه عزيزه
واقتل برضه. عمك حنا
في اي خناقه بيحوش عنا
غاوي يصلح بين الناس
ولايمكن يورد علي جنه
واقتل سامي ناجي نجيب
اصل الاسم صراحه مريب
يمكن يطلع واحد منهم
او داقق علي ايده صليب
ولا اقولك اضرب شبرا
والكيت كات وميدان الاوبرا
فجر واحده ف كل مكان
خلي جيرانهم يصبحوا عبره
لينا رب اسمه الكريم
هاييجي يوم تعرض عليه
تقف قدامه ويسأل
الشخص ده عملك ايه ؟
بأي ذنب تقتله ؟
وفين ومين. وازاي وليه ؟
ابقا قولي.. يااابطل
هاترد يومها وتقول ايه ؟؟
********************

تعليقات الفيس بوك

التعليقات

عن ASSAD ALAHMAD

x

‎قد يُعجبك أيضاً

حورية ايت ايزم تكتب لاتتهمني كفرا

Spread the loveلا تتهمني كفرا انا قد زهدت فيك دهراً واقسمت انني ...