* يا وبور * للشاعر \ أبو عمار المصري

 

• يـــا و  بــــور…… قولي 

•  يا وابور قولي رايح على فين ؟

•   حتموت واحد ولا متين ؟

•  رايح دهشور أو جاى منها

•  هدى السرعة وأنت معدى

• ع السكة هناك بنتى وولدى

•  قلبك آسى مقدرش عليه

• وأنا راجل غلبان على قدى يا وابور

•  .حاسب قوى خد بالك

• لا تدوس على فصين من كبدى

• يا وبور يا ابو قلب حديد فى حديد

•  ليه تاخد شمس نهارى بعيد

•  وتسيبنى وظهرى هناك مقسوم

• وتبكينى فى يوم العيد

• قطعت وريدى وشريانى

•  طفّيت شمعى ..كسرت كيانى

• وانا اعيش ازاى ..ولمين تانى ..؟

•  قطّـفت براعم من عودها

• لساها يا دوب قايمة تنور

• وحرقت الرياحين فى ورودها

• كانوا عود أخضر

• حلم ف عينه كان بيدور

•  على نور بكرة كان أملى وسندى

• .. كان فكرة راحت أحلامه ف عجلاتك

• يا ريتك إنسان كنت بضفرى نهشت حياتك

• خمسين حلم وأكتر يا جبان

•  لو لك قلب لكنت حرقته

•  صوتك فى ودانى نذير الشوم

• دقة عجلاتك بتولع فى عيونى

•  بركان بتهز الأرض تزلزلها

• بتفكر كل قبور الأطفال

•  فى بلدنا بمشى العميان

• وياريتك يا وابور تفهمنى طب رد عليه

• طب اخدعنى طب خدنى معاك ودينى هناك

•  وف آخر متر ف سكة موت سيبنى وعاود

•  راح اكون مرتاح لو قلبى حضن قلب وليدى

•  والقبر كبير قوى حيسعنا

• وتحط عليه خمسين شاهد

•  أنا يمكن ظالمك يا وبور

• حرقة قلبى .. بتولع فى جنابى النار

•  وما ينفع تار بس تقولى لو انت مكانى ؟

• راح تشكى لمين ؟ 

• يا وابور قول لى رايح تانى……..؟ 

• رايح على فين ….؟ 

• رايح على فين ….؟ 

• بقلم الشاعر \ أ بــــو عــمــــــــا ر ا لــــمـــصــــــــر ى
•  من ديوان رقصة الأموات

تعليقات الفيس بوك

التعليقات