يا حبيبي /بكاء قلم

ياحبـــــــــــــــــــــــــيبي

ياحبيبي يا طبيبي _ يللي نفسي تكون نصيبي _ يا قلبي اللي داب

قُلٌي ايه _ إللي انت مخبيه_ وعني مداريه _ وليه شايفه في عنيك العذاب

لو مُصره تعرفي_اوعديني ما تضعفي_ ولي لازم تحلفي_ مايأثرش فيك الجواب

في غيابك دمعي_ همٌه نوري وشمعي_ ومفيش غير صوتك في سمعي اللي مصبرني ع الغياب

احلفلك بقلبي _ اللي طول عمره مخبي_ حيرتي وشوق قلبي _يا اغلى الاحبا…ب

كنت عارف ان السفر _محن وتجارب_ وعارف اني بين البشر_ هشوف ديابه

وعقارب
واللي ملوش في البحر _بر او حتى قارب_يغرق في دمعات السحاب

ياحبيبي احكيلي_ اوجاعك واشكيلي_ انا لما حسيتك جاييلي_فتحت كل الابواب

اول يوم قابلته _بحبك اتحملته_ لكن همي اللي شلته _اني ظنتهم احباب

كنا احنا الاتنين_ روح بين جسمين _يفهمني بنظرة عين_ واحسه من عتاب

اماني اديته_ ونفسي بديته_ وفي لحظه لقيته حقيقه في سراب

يللي معذبني وسبب الجراح _ لو قبليهم تعرفني كان قلبك منهم ارتاح

تعالى في حضني وانسى اللي راح _ مش انت اللي قولت في حضنك بنسى الصعاب

ياحبيبي يا طبيبي _ يللي نفسي تكون نصيبي _ يا قلبي اللي داب

اسماعيل السعايده

تعليقات الفيس بوك

التعليقات