الرئيسية / الشعر العامى . / * ومين فينا * للشاعر هيثم عبد الحميد

* ومين فينا * للشاعر هيثم عبد الحميد

Spread the love

ومين فينا بيحبك صح
و مين فينا يصون العهد
أنا بهتف وصوتي إنبح
ولا نسيتك في مره فـ بعد
******
أنا واهبك سنين عمري
و ضي العين وهبتولك
بإمرك إنتي مش أمري
طريق النور رسمتولك
******
خطفت البدر ونجومه
وضعت الكل بين إيدك
عشقوا همس إحساسك
غنوا بفرح يوم عيدك
******
رسمتك حور من الجنه
أنا عبدك وعمري ما أخون
و اسمك وحده يتغني
بعادك عني يبقي جنون
******
تراب الأرض يتمايل
بلمسة رجلك الساحرة
ينادي عليكي يتحايل
هدي الخطوه يا قمرة
******
و إبنيلك قصور أحلام
لوحدك إنتي ياروحي
أقتل جيش من الأوهام
وعشقك داوي لي جروحي
******
تخوني القلب يشفعلك
يحبك حب من تاني
ألاقي عيوني ترجعلك
يا ساكنه نبض وجداني
******
تخوني العهد ليه أنتي
أنا نسيت الشجن بيكي
وياما هنت ولاهنتي
زارع عمري فـ عنيكي
******
تحبي قلب ليه قاسي
بيسقيكي بأيده الذل
وساكته وإنتي بتآسي
ويفسد فيكي ياما يضل
******
ينشر سمه فـ عنيكي
ويدبح بدر بين أيدك
و يقسي كتير يجافيكي
وياما يقول أنا سيدك
******
و يقتل حبك الطاهر
ويفرح ليه بتعذيبك
ماأنا حبي اللي كان ظاهر
أنا عاشقك أنا حبيبك
******
فشوفي مين بيهواكي
و مين فينا بيحبك صح
ومين فينا يخون العهد
أنا بهتف وصوتي إنبح
ولا نسيتك فـ مره فـ بعد

***************

 

 

 

 

تعليقات الفيس بوك

التعليقات

عن نائب رئيس التحرير سلوي أحمد

x

‎قد يُعجبك أيضاً

زيت بذور اللفت الأكثر فعالية للحفاظ على القلب

Spread the loveتوصلت دراسة طبية، إلى أن زيت بذور اللفت يمكن أن ...