الرئيسية / الشعر العامى . / *وجهة نظر*للشاعر طارق العجمى

*وجهة نظر*للشاعر طارق العجمى

Spread the love

وجهــة نظــــــر

……………………

 مش هانفتح المجال يوم لوجهات النظر

 خلى فكرك إحتمال الوطن لسه ف خطر

 …………………………………………….

 كل ما ألمح كونى أجمل

 ألقى لون الغدر طافح

 فجأه برفض إنى أكمل

 وأبقى وقت الجد مازح

 لأ وأشوف نفسى بنافق

 عمرى يجرى من مكانه

 تهرب الأيام وتبعد

 باقى يوم والعمر يخلص

 والمسافة هاتبقى أبعد

 أرفع الحاجب وأفكر

 م اللى  دمر م اللى كسر

 م اللى كان فى توبة أزعر

 بس عاش دور الكبير

 المجال مفتوح لعاطل

 يبقى سيد فى المدينة

 يبقى والى الملك ينحت

 فى الضعيفة والمتينة

 يجرى ع الربان بيصرخ

 مشى وقف فى السفينة

 بيت أبوك يمكن يكون؟

 وإحنا فيه عايشين ضيوف

 شوفت دمك فاح فى عرقك

 وات خجلان م الكسوف

 طب وليه راكن ضميرك

 ع المكاتب والرفوف

 هات عنيك من جوه جيب

 طل ع الأحوال وشوف

 ناس بتعجز حتى تمشى

 فى الزحام والدنيا خنقة

 جو قابل يخنق الــ

 أنفاس فى شمسة أو فى عتمة

 مش مهم الغاز يكفى

 الحطب مالى البيوت

 لو على الشمساية أسوى

 لو هأجوع أنا مش هأموت

 مش مهم الجاز بيشعل

 المهم إنه يشغل

 المهم

 إنى أشوفك

 عندك النيه اللى تعمل

 مش تدبر للمجازر

 مش توقف مش تعطل

 لسه شعبك ماشى حازر

 وأنت طالب برضة تطلع

 لسه عايز ليه تمارس

 لعبة الحلم اللى فرقع

 ليه هاتمشى فى طريقك

 وأنت نعلك

 أًصله حافى

 طب تجيب النعل قبله

 وإبقى إطلع … فوق كتافى

المحرر

أميرة الألفى

تعليقات الفيس بوك

التعليقات

عن سكرتيرة التحرير الكاتبة أميرة الألفي

x

‎قد يُعجبك أيضاً

*”المدفعجية” تحيى حفلات الربيع بالغردقة والجلاء والقرية الفرعونية*

Spread the loveتحيى فرقة المهرجانات “المدفعجية” عدة حفلات خلال أعياد الربيع، حيث ...