مُغْلَقْ…. بقلم الشاعر جمال الخطيب

مشاهدة
أخر تحديث : السبت 25 يوليو 2020 - 4:51 مساءً
مُغْلَقْ…. بقلم الشاعر جمال الخطيب

****

وينِ النّشاما الْعَرَبْ . أهْلِ الْمُروءه وينْ

إلأقْصى شايِطْ غَضَبْ . وِتْسَكَّرو ابْوااابو

أعْرابْ مِثْلِ النَّمِلْ ما عَبّوا بُبّو الْعينْ

لَمّا نَداهُمْ تَعوا …. مِنْ خوفْهُمْ غابوا

ــــــــــــــــــــــــــــــــــــــــــــــــــ

وِالْموتْ لَجْلو وَجَبْ . هايي أماني وْدينْ

بِرْقابْ أهْلِ الْوَفى وِعْيونْ طُلاّبو

وِالصَّمْتْ أكْبَرْ جُرُمْ . عارِ بْشَرِعْنا وْ شينْ

وِالْحَقّ ضايِعْ غَصِبْ مِنْ ضَعْفْ أصْحابو

ـــــــــــــــــــــــــــــــــــــــــــــــــــ

أنْفاقْ تَحْتو بَنو .. شَقّو الأرِضْ نِصْفينْ

حيطانْ سَقْفو بَكَتْ . وِتْهَرْوَلِ تْرابو

وِاليومْ مُغْلَقْ عَلَنْ . وِمْرَبّطَه الإِيدينْ

رافِعْ لَرَبِّ السّما . شَكْواهْ ومْصابو

ــــــــــــــــــــــــــــــــــــــــــــــــــ

مِلّي غَبِيّي طَغَتْ ما ظَلّ فيها اثْنينْ

لَجْلِ التّرابِ الأبي وِالدّينْ وِكْتاااابو

شَعْبي تَقَسَّمْ شِيَعْ.. يا ريتْ لَوْ قِسْمينْ

عِدّتْ فَصايِلْ قَضَتْ عالْبيتْ وِعْتااابو

ـــــــــــــــــــــــــــــــــــــــــــــــــــ

بِالأمْسْ لَمّا رَحَلْ ما زادْ عَنْ ألْفينْ

وِالْكُلّ فينا غِضِبْ ضاغِطْ عَلى عْصابو

قالوا التّفاوُضْ شَهَرْ .. قُلْنا خُذوا شَهْرينْ

لَلْيوم ْ نُنْطُرْ خَبَرْ . شو حَصّلو وْجابو

ـــــــــــــــــــــــــــــــــــــــــــــــــــــ

الشَّطْ شَطِّ الْعَرَبْ . نِمْنا صبَحْ شَطّينْ

إِلْعيبْ فينا قَبِلْ …… مَنْلومْ أعْراااابو

يا خوفْ بُكْرا الْحَرَمْ يِتْحَوَّلِ لْ حَرَمينْ

وِنْحِجّ عِنْدِ الْغَرِبْ … تَنّولْ إِعْجاااابو

ـــــــــــــــــــــــــــــــــــــــــــــــــــــــ

…………… الشّاعر : جمال الخطيب .

تعليقات الفيس بوك

التعليقات

رابط مختصر