مع أهل الزجل…زجل بقلم أحمد لغدير

مشاهدة
أخر تحديث : الخميس 3 سبتمبر 2020 - 11:33 مساءً
مع أهل الزجل…زجل بقلم أحمد لغدير

زجل … مع أهل الزجل
ومن أجل الزجل
🍒☕🌿

الزحام فالظلام و كثرت الكلام
سوق الأوهام فالأحلام
السيناريوهات والأفلام
المهم كلشي داااااوي
🌿☕🌱
المضمون عامر بحتى حاجة
الألقاب بالعُرّام و آراك ٱلفراجة
هذا مجذوب هذا هدّاوي
ها لي قاريها بالمقلوب
سارق زارْمْ لْگْجامْ
ٱمْوهّم ٱمْصٓدّق الكذوب
داير ديباجة بٱلْحرام
على لسان ٱسيادو راوي

☕🌱🌿
انا نقول … راك تم
وانت گول .. الله وٱعلم
الفاهم يفهم
صاحبك غير داوي
الداريجة بلا فران
الحروف سايرة دٓرّٓاجٓة
بْزّااااافْ … دالألقاب
عاشقة شي حاجة
وشحااال من دجاجة
قااااا قاااااااات
وما بٓيْضْاتْ حتى حاااجة
🤫🤫🤫☕
ٱسْكُتْ وٱفهم المعنى
راااه الصمت كافي و ٱمشبعنا
خلّي البيض عندك والدجاج
شكون گا ليك أنا محتاج
خلّي سلعتك تمّٓاااا
آ وااا غير خليها تخْماااج
… 🌿☕☕
…. …⁦✍️⁩أحمد لغدير

تعليقات الفيس بوك

التعليقات

رابط مختصر