الرئيسية / الشعر العامى . / * مصر حبيبتي *

* مصر حبيبتي *

Spread the love

منصوره علي من يعاديكي
من غير يامصر ماتشكيلي
انا ياأمي حاسس بيكي
غرقان في دموع عينيكي
مش عارف ازاي ارضيكي
لو كلهم بعدوا عنك
انا هعيش واموت فيكي
لو كلهم فروا منك
انا ابنك عايش ليكي
شايفك يامصر مرهقه حرانه
ديابه بتجري وراكي وعطشانه
متكتف ومش عارف اسقيكي
مش قادر اشوفك دبلانه
واستسلم ومعملش اي حاجه
شايفك من الظلم قهرانه
بتتعاملي كأنك مش انسانه
وجيه الوقت عشان أديكي
عارفك مش محتاجه حاجه
غير ولادك يتجمعوا حواليكي
هفك يامصر كل الأحبال اللي حواليه
وهعوضك عن المر والجراح والقاسيه
وهرفع اسمك فوق وهعاليكي
ولو هدوكي تاني هبنيكي
بفكر نهار وليل فيكي وسهرانه عنيه
بدعيلك يامصر ياغاليه ربنا لينا ياخليكي
ربنا من كل سؤ وشر يحميكي
من قلبنا يامصر بنحبوكي
هنخلوكي قصر ولادك بيوعدوكي
وكل العالم هيفتخر بيكي
متعرفيش انتي ايه عندي
دوسي علي الصعاب وعاندي
طمنيني ياامي يامصر عليكي
طول ماولادك جنبك يابلدي
متخافيش بأذن الله هتعدي
ربنا يامصر دايما معاكي
اموت عشانك اموت فداكي
الكل هينحنيلك يبوس ايديكي
تقديرا واحتراما وتعظيما ليكي
عملتلنا يامصر كتير بنحييكي

**************
بقلم

أحمد عادل عبد الرحيم

تحرير

د. رسمي خير 

تعليقات الفيس بوك

التعليقات

عن الشاعر رسمي خير

x

‎قد يُعجبك أيضاً

عماد ابوزيد -في قلم ونغم

Spread the love في قلـم ونغــَم … ( أنا في القـَاف ) ...