قَصّ و لَصِقْ…بقلم الشاعر جمال الخطيب

مشاهدة
أخر تحديث : الإثنين 17 فبراير 2020 - 7:21 صباحًا
قَصّ و لَصِقْ…بقلم الشاعر جمال الخطيب

قَصّ و لَصِقْ

**********

إِلْفيسْ نُصُّوا كِذِبْ نُصُّو حَكي مَنْقولْ

يا دوبْ قَصّ ولَصِقْ عَالْحيطْ وِعْطيها

صَفْحاتْ مَلْها عَدَدْ فيها أَلِفْ مَصْطولْ

بِتْشوفْ دُنْيا الْعَجَبْ مِنْ هَوْل ما فيها

****************************

بِالْقولْ شَقْفِةْ نَبَي . أَمّا الْحَقيقَه غولْ

لَوْ كانْ بيدو الْحُكُمْ عَالأرْضْ بِسْبيها

أَبْطالْ فوقِ الْوَرَقْ . أَحْرارْ لَمّا تْقولْ

بَسِّ الْفَعايِلْ دَجَلْ … وِالرّيحْ تِذْريها

*****************************

شافوا جَدَايِلْ شَعَرْ مَحْلولْ دَقّوا طْبولْ

لَكِنْ بَناتِ الأَصِلْ …. مَنْجابْ طاريها

وِالّلي بِجيبو قِرِشْ عَنْ حالْنا مَسْئولْ

حامي حِمانا الأبي … أكْبَرْ حَراميها

****************************

يا ناسْ كافي هَبَلْ خَلّو الْحَكي مَعْقولْ

بِدْهاشْ سَمِّةْ بَدَنْ ….. لِعْيونْ كافيها

إِنْ كانْ في هالْحَكي مَنْطِقْ حِلِوْ مَقْبولْ

بِنْقولْ قالِ الْبَطَلْ ….. مِشْ قالْ خِرِّيها

*****************************

……… الشّاعر : جمال الخطيب .

16\2\ 2018

تعليقات الفيس بوك

التعليقات

رابط مختصر