الرئيسية / الخواطر والومضات / *قوم يا مصرى*للشاعر عادل عثمان الحجار

*قوم يا مصرى*للشاعر عادل عثمان الحجار

Spread the love

قوم يامصري
=======

قوم يامصري ف كل شارع ..

كل حارة

واوعى مرَّه تقول لي حلَّك في الدُبارة

قوم يامصري وهز باْديك السواقي

خلِّي نور الشمس يفرح بالتلاقي …

والسنابل بالأمان تفرح تزغرد

والعيدان تحضن شنوده ويَّـا أحمد

قوم يامصري ..

وابتدي إصنع حياتك

ليه تقول النور خلاص ولَّى وفاتك ؟!

قوم يامصري ..

التاريخ عمره مايرحم

حقِّـنا نصنع تاريخنا

حقِّـنا وبجد نحلم

لو بتعْـلَم ..

قول وجاهد

لو بتجهل ..

قول لي ياابني اللهُ أعلم

مصر مش ناقصه الفتاوى …

ولاَّ كلمة شرِّ مدهونه بحلاوه

قوم يامصري ..

وامحي بالعِـلم الغباوه

خلِّي نور الحق هوَّ اللي بيشرح

خلِّي أرض المجد تحضنها التقاوي

نفسي أسمع في الغيطان تاني الغناوي

لو سامعني ..

قوم يامصري

لو صعيدي ولاَّ فلاَّح أو سيناوي …

وبيقينك قوم وأذِّن ..

قول ناوينا اليوم ده نفرح

قول ناوينا اليوم ده نفرح .

************************

بقلم 
عادل عثمان الحجار

المحرر

أميرة الألفي 

تعليقات الفيس بوك

التعليقات

عن سكرتيرة التحرير الكاتبة أميرة الألفي

x

‎قد يُعجبك أيضاً

*”المدفعجية” تحيى حفلات الربيع بالغردقة والجلاء والقرية الفرعونية*

Spread the loveتحيى فرقة المهرجانات “المدفعجية” عدة حفلات خلال أعياد الربيع، حيث ...