جريدة كتاب وشعراء العرب تصدر عن مجلس الكتاب والادباء والمثقفين العرب جريدة كتاب وشعراء العرب تصدر عن مجلس الكتاب والادباء والمثقفين العرب
Spread the love
قلبى إنشبك
………………………..
قلبى إنشبك فى الشبك
وكنت صياده
خلفت ليه الميعاد ولا أحبابك ذادوا
إن كنت بتحبنا
طب إحنا بنحبوك
ماتيجى يوم عندنا
ولا إحنا اللى نجوك
تشرب معانا الشاى
وتود ونودوك
ونعز من عزك
ونصد اللى هانوك
إن كنت بتحبنا
طب إحنا بنحبوك
العين كلامها زين
وبعينانا بنشفوك
صدق كلامى بصدق
أنا هطلبك من أبوك
وتكون شريك العمر
وإنسى الللى نسوك
بالغالى شريناك
متبعش اللى شاروك
إن كنت بتحبنا
إحنا بنحبوك
كام مره جيت حينا
مين غيرنا قاموا قابلوك
وكان كل المنى
من الأرض دى نشيلوك
ونسيت الللى إشترى
وسألت على اللى باعوك
وإن نظرت لنا
بقلوبنا دى نراعوك
إن كنت بتحبنا
طب ما إحنا بنحبوك
