الرئيسية / الشعر العامى . / قصيدة عشق..بقلم العندليب أحمد رجب

قصيدة عشق..بقلم العندليب أحمد رجب

Spread the love

صعب إني أحـب غيــرك
صعب أنسي إنـي طيرك
صعب أنسي إنك سبتي
قلبي يوم يــــروح لغيرك

صعب عليا أشوف عينها
لأني بس بأشوف عيونك
حتي في لمسة إيــديها
بأحس إني بقيت بأخونك

قولت مــرة وألف مـرة
قلبي مش زي القلوب
وإنتي لو صدقتي مـرة
كنتِ قولتِ إني أيــوب

صبرت وصبري طال سنين
بكيت وقلبي عاش حــزين
مّـديت إيــديــا ليكِ أخــدك
رفضتِ قلبي ومعاه الحنين

حبي ليكِ لساه وعــايش
كل يـــوم جـــوايا يــزيد
علشانك إنتي بس عايش
ياللي حبك في الــوريد
طمعان يحن قلبك ونرجــع
عصفورين في قفص حديد

أخـــر مـــرة راح أقــولك
الحب صعب إنــه يمـوت
إنتي شمسي وقلبي ضلك
إنتي كلامي وإنتي السكوت

مليون تحية من غير وداع
لأني ماعرفش المستحيل
مش هأقول حب وضــــاع
كل نهـــــار وأخــــره ليل

الحكاية مش إني بأكتب 
قصيدة عشق كلها أحزان
الحكاية قلبي وعُــــرفه
إنه حقيقي قلب إنسان

نفسه يتهني بحببته
قبل ما يفـــوت الآوان
قبل ما يبقي كان وكٌنا
قبل ما يبقي كٌنا وكان

والسلام هايكون ختــام
وبعده منه مفيش كـلام
تم التحرير بواسطة.أ/عباده الفيشاوي

تعليقات الفيس بوك

التعليقات

عن عباده الفيشاوي

x

‎قد يُعجبك أيضاً

أمسيات رومانسيه.بقلم.أسماءعبدالخالق

Spread the loveفتحت رسائله وباتت تتأملها..  لم تعد تدري تحدثه أم تنتظر ...