الرئيسية / الشعر العامى . / * قصة شوق * بقلم رئيس التحرير

* قصة شوق * بقلم رئيس التحرير

Spread the love

بعيش وأحلم أكون ناسك
وأشوف الحلم فى جفونك
وأكون الورد فوق راسك
وأكون الكحله فى عيونك
وأبص بعينى 
وأتغندر 
وأتمخطر … على نغمك
وريحة الجو تتعطر 
وتتأثر 
بطيب قلبكـــ ..
وتبقى الدنيا مش واسعه
ولا سايعه . 
خطى قدمك
ويبقى القلب بتشحتف
وبتلهف .. 
على حرفك
وأنا بنده على نفسك
كأنى حاجه جواكى 
وسامعه قلبى فى نبضك
بيصرخ عشقى فى هواكى ..
وإنتى لسه شايلة وردى 
وسارحة ع الغيطان وحدك
وناسية الخلق من بعدى 
وفاكرة إنى مشتاقلك
تعدى ع البيوت طايرة 
كأنك رايحة للجنة
وتيجى عندى وتهدى 
وأنا واقف ومستنى 
وأمد إديا فوق سبتك
وأدوق الحلو من قَطفك
وكل الناس بتلمحنى 
ماخفت الخلق تفضحنى 
ده سارق زهر بنت الناس
بهدى فى سرعة الأنفاس
وعنبك حَبْه سبحنى
وعد النبض فى اللحظة
يعادل سرعة اٌلإحساس
بنات الحور بتتفرج
flock_of_pigeons_flying_in_the_sky-wideوتتمتع بأشواقنا
وأنا برضة مانيش مكسوف
ونفسى الوقت يسرقنا
ياميلة وراسمة فى الصورة 
كلام م النظرة يفهمنا .؟

*********************

بقلم 

الشاعر طارق العجمي 

flock_of_pigeons_flying_in_the_sky-wide

تعليقات الفيس بوك

التعليقات

عن نائب رئيس التحرير سلوي أحمد

x

‎قد يُعجبك أيضاً

زيت بذور اللفت الأكثر فعالية للحفاظ على القلب

Spread the loveتوصلت دراسة طبية، إلى أن زيت بذور اللفت يمكن أن ...