الرئيسية / الشعر العامى . / * قالوا ** وقولنا *

* قالوا ** وقولنا *

Spread the love

قالوا من أمنك لا تخونوا

حتى وإن خانــــــــك

وإبعد عن الثرثــــــــرة

حاسب على لسانك

دلوقتى صار المثــــل

خون اللى يوم صـــانك

**********
قالوا كمان أصبـــــر

ع اللى بفعــــــله أذاك

يمكن فى يوم يرحل

أو حتى يوم ينســــاك

دلوقتى قلبوا الكلام

وبقى الرحيل مثواك

************
قالوا اللى عاش قنطرة

يتحمل الدوَســـــــان

واللى يقـــــــــول لله

يتقبل الإحســــــــان

دلوقتى كله إندعــــك

وبنشحت الأكفـــــان
***********
قالوا كمان الجوع

كافر ما يصبرشــــــى

والنوم عدوه الهم

أبو “هم “ما ينامشــــى

دلوقت جوع مع هم

وان قولت لأ ” تمشى

*********************

بقلم 

محمود وحيد 

تعليقات الفيس بوك

التعليقات

عن نائب رئيس التحرير سلوي أحمد

x

‎قد يُعجبك أيضاً

زيت بذور اللفت الأكثر فعالية للحفاظ على القلب

Spread the loveتوصلت دراسة طبية، إلى أن زيت بذور اللفت يمكن أن ...