جريدة كتاب وشعراء العرب تصدر عن مجلس الكتاب والادباء والمثقفين العرب جريدة كتاب وشعراء العرب تصدر عن مجلس الكتاب والادباء والمثقفين العرب
Spread the love
حبيته ليه بقلبى
و عقلى قالى ﻷ
الحب دا مش ذنبى
مقدرش اقوله ﻷ
انا كنت راضى بوحدتى
اول ما شفته فسكتى
رجعتلى تانى ضحكتى
وقلبى ما بطلش دق
الحب دا مش ذنبى
مقدرش اقوله لأ
يا عقلى انت منى
صارحنى بوح بسرك
ليه بس يبعد عنى
الحب مش هيضرك
من ايه خايف عليا
بلاش تسرح تفكر
الحب دفا و حنيا
الحب شهد سكر
طمن قلبى وعنيا
فبعاده انا م اقدر
رد وبانت نوايا
قالى ع اللى جواه
ازاى اعيش معاك
وكلى يبقى معاه
حبيبك دا ملاك
ازاى يكون بشر
يودينى فهلاك
حبه يكون خطر
ازاى اكون فى امان
دا يجيب للعقل جنان
ازاى عايزنى اعيش
سهران سرحان تعبان
هبعد ليزيد لهيب
والقلب يتحرق
اخاف لويوم يغيب
والروح تتسرق
وباح العقل بسره
خايف يتوه فسحره
خايف يغرق فبحره
فى الحب طلع ورق
حبيته ليه بقلبى
وعقلى قالى لأ
الحب دا مش ذنبى
مقدرش اقوله لأ
مقدرش اقوله لأ
