الرئيسية / الشعر العامى . / * عشان خاطرك * بقلم رئيس التحرير

* عشان خاطرك * بقلم رئيس التحرير

Spread the love

عشـــان خـــاطـــرك

***************

عشان خاطرك .. أنا بكتب
غرام عشته فى أيامك
..
وأنا بخضع .. عشان عندك
مابقدر حتى أتكابر
ولا بعرف
أكون طليق ,, فى طلعتك .
بتكتفينى بضمتك
بتعجزينى عن الكلام
وبسكت .؟ بس بتنفس
وإيدك لامسه أكتافى
وشفايفك .
طابعه فوق راسى
وإيدى واقفه على قلبك
تحس بنبضك الصافى
وتلمس كل معانيكى
وبسرح فى السما بيكى
وأغنيلك وأنا ناعس
على صدرك كما طفلك
بيشرب من حنين قلبك
ويلمس خدى فى خدودك
بيجنى الحلم فى ورودك
وبفتح كل بساتينك
وبزرع فيها قبلاتى
وبستنى .
أشوف طرحك
وبجرى أعيش مابين زرعك
فى ضلة شعرك الراسى
ونفسك جاى على خدى
بيحيى كل أنفاسى
والاقى مشاعرى تتخبط
مابين العشق فى ضلوعك
حنين جواكى متربط
يشبع م الجفا جوعك
بترمينى على نارك
وبتهدى نيران شوقك
تشوفى قلبى بتسوى
وبتلوى عشان حضنك
وبتمنى أكون ملكك

مافيش 

فى الدنيا دى غيرك
بيرسم ضحكه فى قلبى
وينصر فرحى على حزنى
يخلينى أبات كسبان
سعادتى وناسى أحزانى
يارب تعيشى لجنونى
وأشوفك ,
جوه أحضانى .

**************

بقلم

الشاعر طارق العجمي

تعليقات الفيس بوك

التعليقات

عن نائب رئيس التحرير سلوي أحمد

x

‎قد يُعجبك أيضاً

زيت بذور اللفت الأكثر فعالية للحفاظ على القلب

Spread the loveتوصلت دراسة طبية، إلى أن زيت بذور اللفت يمكن أن ...