الرئيسية / الشعر العامى . / *عايز تعرف* بقلم/عونى هشام

*عايز تعرف* بقلم/عونى هشام

Spread the love

عايز تعرف

_______________

لو كنت عايزنى اقولك
 طب قولى اقولك ايه

 اسأل قلبك هيدلك
 وان قالك رد عليه

 انا مصرى وارضى تظلك
 هتتعب نفسك ليه

 ان رحت بعيد اندهلك
 وهقولك برضة يا بيه

 تعالى احكى و انا هاسمعلك
 هنعرف ايه جرا فيه

 ان كنت صديق هنصولك
 العهد وهانحمية

 ان كنت عدو هنكينلك
 الصاع عشرة ما يكفيه

 ان كنت عايزنى اكتبلك
 دا تاريخ وبنحفر فيه

 اهرامى اهى تشهدلك
 والنيل ارضى بيرويه

 من قابلك يوسف قالك
 خزين مصر دا يكفيه

 والخونه كتير راسمينلك
 المصرى اياك تاويه

 دا مصرى ومش هاخضعلك
 وهتعرف انى البيه

 اسأل سائح هيقولك
 ازاى بنرحب بيه

 اقولك ايه واحكيلك
 دا تاريخ كان نفسى اروية

 روح يابنى روح شوف شغلك
 انا سيدك وانا البيه

 نسيت اصلك هيدلك
 ما يغرك اللى انا فيه

 اصبر بس وارتبلك
 احوالى وهتقول ايه

 تعالالى صديق افرحلك
 ارهابى شوف اعمل ايه

 لو كنت عايزنى اقولك
 طب قولى اقولك ايه

تعليقات الفيس بوك

التعليقات

عن سكرتيرة التحرير الكاتبة أميرة الألفي

x

‎قد يُعجبك أيضاً

*”المدفعجية” تحيى حفلات الربيع بالغردقة والجلاء والقرية الفرعونية*

Spread the loveتحيى فرقة المهرجانات “المدفعجية” عدة حفلات خلال أعياد الربيع، حيث ...