* ضمير *

Spread the love

 

بتزرعني في أرض بور
و عاوز مني إني اطرح
بترسمني علي لوحة ؟!!
شفافة
و بتفكر
هتلمح مني 
لو ملمح ؟!!
سنيني تعدي قدامي
بتجري بيا مش واقفه
وأنا واقف
أبص عليا في مرايه و مكسورة
أشوفني طيف بلا صورة
و محسورة
دمعتي فيا
بتترسب علي خدي
شوية و بعدها شوية
بترسم بين عيوني الحلم
يدوب يكبر ويبقا كابوس
وعلي رقبة أبويا يدوس
كل الحزن 
كل الهم 
لما الحلم
يخدعني
وأنا عارف
و يسرقني وأنا شايف
وأسكت وابرر بلوتي
وأقول منحوس
و عاوزني أكون عادي كدا
ساكت
و مااتكلمش
و أعيش عادي كأني ترس
نسيت إني بشر لسه وبعرف أحس
بعرف أخاف علي نفسي
و لو لسه باقي لي نفس
جرب مره تزرعني
في أرض عفية عشقانة و مخضرة
تلاقينا
طرحنا الخير
طرحت طريق يودينا
لأبعد من ما تتمني
ينسينا
أمس ساعته تشنقنا
طرحت ضمير

****************

بقلم 

محمد حسن دسوقي

تعليقات الفيس بوك

التعليقات

عن نائب رئيس التحرير سلوي أحمد

x

‎قد يُعجبك أيضاً

زيت بذور اللفت الأكثر فعالية للحفاظ على القلب

Spread the loveتوصلت دراسة طبية، إلى أن زيت بذور اللفت يمكن أن ...