الرئيسية / آخر الأخبار / صفاء عبدربه -ازاي اللي بينا مات

صفاء عبدربه -ازاي اللي بينا مات

Spread the love

إزاي إللي بينا مات
****************
إزاي إللي بينا مات
وذكرياتنا بقت فتات
إزاي
إزاي أدور ع الحنين
وإللي بينا !!!
إللي بينا راح فين
هوا كان هَزل وهِزار
ولا مش قادرين ناخد قرار
دا إللي بينا !!!
إلِلي بينا حُب وحنان
سَلام وأمان
إللي بينا !!!
مش رصيد سَنَه وإتنين
دي أحاسيس من وإحنا صُغيرين
روَناها بالدَم إحنا الإتنين
وبالروح رَعناه سِنين وسِنين
يبقي إزاي !!!
إزاي إللي بينا مات
وذِكرياتنا بَقت فتات
إياك تُقول إنه ضاع
وورا الشيطان تروح تنصاع
ونرجع تاني للأنين
لحرمان وعَطش السِنين
وظُلم ال بني آدمين
لقَسوة الأيام بِلا رَحمَه
من غير حَنين
نَرجع تاني كل واحد لوحده
ماعارفين نحكيِ ولانِِشكيِ
ولاننام علي صَدر مِين
مين غيرنا إحنا الاتنين
هايخَفف عنا الأنين
إحنا ليه تُوهنا عَن بَعضِنا ؟
ماعاد أمل ؟
ولا جَرح ولِسه ماإندَمل ؟
ماتقولش ذِكريتنا بقت فتات
وإن إللي بينا خَلاص مات
قول إن لِسه فيه أمل
وجراحنا أهو طاب وإندمل
ومش هانرجع أبداً
من وسط الطريق
وراح نِكَمل
أيوا راح نِكَمل زيِ ماإحنا
راح نِكَمل بحَق وحَقيق
باقي مِشوارنا الطَويل
قول إن فُراقنا مُستَحيل
ومافيش أبداً راحيل
دا إلِلي بينا
كان حَقيقَه مُش سَراب
إللي بينا لما نِدَونه
ما يكفيه مليون كِتاب
إللي بينا نَبض عالي
يضيع مِنا إزاي ؟
مُستَحيل دا حُب
مَستَحيل أبداً ياغالي
دا إللي بينا لِسه حي
وحُبِنا لِسَه جَي
يبقيَّ إزاي
يبقيَّ إزاي يكون مات
وذِكرياتنا بَقت فتات
إزاي !!!!!!!!!!
صفاء عبد ربه

تعليقات الفيس بوك

التعليقات

عن دكتور محفوظ

x

‎قد يُعجبك أيضاً

لاشِين عَرَّاف الْقَرْيَة بِقَلَم رَمَضَان بَر

Spread the loveلاشِين عَرَّاف الْقَرْيَة بِقَلَم رَمَضَان بَر فِي الثمانينات اُشْتُهِر لاشِين ...