الرئيسية / الشعر العامى . / *سيادة البيه المهم*

*سيادة البيه المهم*

Spread the love

سيادة البيه المهم
راسم لي نفسه ببدلته
وكلمتين ما فهمت منهم
غير أنه شاعر حضرته
قال إيه وناقد كمان أهم
قاعد يبص لكل واحد
كأنه قيصر ولا أمير
ويقول لنا عن شعرنا
كلام خطير
قال إنه كل الي بنكتبه
ليس ب شعر
وانا كنت قاعده وبسمعه
وبدني جداً مقشعر
بصراحه جنني بكلامه
طب قلي إيه الشعر لو ما كنش
يرسم حال وطن
ولسان زمن
يا سيادة الناقد الهمام
فهمني معنى الشعر ايه
كلمتين متركبين
مش مفهومين
ولا إيه
الشعر إيه غير أحاسيس طلعت بفطرة مننا
الشعر كلمة بتتولد لما نحس بقلبنا
الشعر يا سيادة الهمام
لسان حال شعبنا
الشعر يا استاذنا متنفس خطير لغلبنا
كل الكلام إلى قريته مكتوب يا شاعر بدمنا
افهم بقه معنى الكلام وبلاش تهد ف حلمنا

بقلم أ/امل صيدم

تحرير محمد مرعي الشريفــــــــ

تعليقات الفيس بوك

التعليقات

عن هاني الشريف

x

‎قد يُعجبك أيضاً

*عزاء واجب *

Spread the loveعزاء واجب ————– إنا لله وإنا إليه راجعون إنتقل إلى ...