الرئيسية / الشعر العامى . / * ساعة وساعة *

* ساعة وساعة *

Spread the love

ساعات أضحك على حالــــــــى

وحال الناس يبكبنـــــــــــى

وساعة دموعى تحلالــــــــــــى

فتخزلنى دموع عينـــــــــى

***********
ساعات أسرح فما ارجعشــــــى

ولما ارجع أروح تانــــــــى

وساعة اندهنى ما أسمعشى

وألاقى الرد إنسانــــــى

***********

ساعات تانى اشوفنى بعيد

أقرب منى فاتبعتـــــــــر

أجرب فى اللقا وأعيــــــــــد

ألاقينى بعدت أكتـــــــر

**********
ساعات أسألنى عن روحى

ألاقى روحى تسألنى

وأنادى نفسى ما تروحــى

ترد يا عم ما تسيبنى
**********
ساعات وساعات ومش فاكر

وطول وقتى بافكــــرنى

وأراجع قلبى لو فاكــــــــــــر

ساعة ما أنسى يفكرنى

***********

بقلم 

محمود وحيد 


تعليقات الفيس بوك

التعليقات

عن نائب رئيس التحرير سلوي أحمد

x

‎قد يُعجبك أيضاً

زيت بذور اللفت الأكثر فعالية للحفاظ على القلب

Spread the loveتوصلت دراسة طبية، إلى أن زيت بذور اللفت يمكن أن ...