الرئيسية / الشعر العامى . / *زرع القلم*بقلم/أبوعمار المصرى

*زرع القلم*بقلم/أبوعمار المصرى

Spread the love

زرع القلم

……………………….

زرع  الـقلم

 وحزرعك

 يا سن قلمى خضار

 تكتب سنابل قمح

 ترسم حروفك شمس

 حبرك … مداد أنهار

 وتخضّــر .. صفحة كراسى

 وتكون لى مرايتى ونبراسى

 إكتب حروفك …تنتصر

 على كل صوت عالى

 وإملا القلوب أشعار

 إرسم فى حلمك بالأمل

 إحكى الحكاية م البداية

 للولاد الحيرانين

 لم اللى تايه فى الشوارع

 والحوارى من سنين

 وإحصد جمل

 يا قلم

 جرحك وليد من جرحها

 من بكرة ترسم فرحها

 على توتة مدة ..جدرها

 شاربة الحنين من أرضها

 قلبين وسهم و كلمتين

 لأ …قلب بس يكون كبير

 إرسم بداية للضمير

 بحروف ..ما هيش

 حبر ف ورق

 ولا من …..إزاز

 إكتب قصيدة

 تعبر النار والدخان

 إرسم عقول

 من غير جنان

 إرسم بسنك صورة م الجنة

 وإفرشها … ورد وتمر حنة

 وتكون هنا …. من غير حدود

 من كام سنة

 كان الوجود … أصله هنا

 على أرضنا

 من صدرها …. رضع الوجود

 وف حضنها .. كبر الوجود

 إرسم بخور والمبخرة

 من عين حسود

 ورقوة حلوة معطرة

 على ألف عود

 راح تلقى كل الخير يعود

 واللى كان هاجر …يعود

 لو لسة سنك …فيه رصاص

 قوم إطلقه

 على كل عاد … أو ثمود

 إكتب كلام كنا نسيناه

 إكتب شموخ.. إكتب صمود

 إكتب لها .. وإكتب لنا

 شهادة ميلاد

 وقولها .. من غيرك أنت

 مفيش وجود

 مفيش جدور … مفيش جدود

 وإكتب لها حب وخلود

 إكتب لها حب وخلود

 

تعليقات الفيس بوك

التعليقات

عن سكرتيرة التحرير الكاتبة أميرة الألفي

x

‎قد يُعجبك أيضاً

*”المدفعجية” تحيى حفلات الربيع بالغردقة والجلاء والقرية الفرعونية*

Spread the loveتحيى فرقة المهرجانات “المدفعجية” عدة حفلات خلال أعياد الربيع، حيث ...