الرئيسية / الشعر العامى . / رسم قلب : بقلم / د. سماح نوح .

رسم قلب : بقلم / د. سماح نوح .

Spread the love

رسم قلب 
….
نص ساعه لسه باقيه ع المعاد
لما دكتور القلوب قال 
لازم يعمل سونار
قمنا خدناه للعيادة
كشف مش محتاج إعادة
والسلام أول كلام
رد والدكتور بيضحك قال عليكم
السلام
إنت جيت 
أهلا مريضنا
ايه تعالي ليه تخاف
هو أنا دكتور ولادة
هههههههههه
يا حبيبي اياك تخاف
من ايه بتشكي قولي قول
لو سمحتي يا بياضة
اعملي واحد ليمون
إحكي فضفض
لسة باقي نص ساعه ع السونار
والمرض ما فيهوش هزار

عندي حالة صعبه جدا يا طبيب
جرح قلبي ال ابتدي ممكن يطيب؟
أصل من يومها حقيقي مش طبيعي
كل دقة جوة قلبي بتكوي صدري بنار حقيقي
..
أيوة كمل ايه كمان

يا عزيزي مش بنام
مش تمام
حتي وقت الأكل باكل بس مش شبعان
وأما بافرح لما اشوفها
قلبي مش فرحان كمان
……
فجأة حسيت إني ميت 
لأ بموت
والغني اصبح في صوتي تمام سكوت
مش طبيعي وقلبي تعبان يا طبيبي
بجد حاسس أأأأأه باموت
………….
حضروا أوضة السونار
لآ كمان رسم قلب مع السونار

هي حالته يا بيه كبيرة

أيوة جدا 
حالة صعبة 
لأ خطيرة
والخبر جه ع الجزيرة

إيه يا دكتور
راح يعيش؟؟
ولا أملي فيه ما فيش؟

ربع ساعه كمان هنعرف..
م الأشعه
رسم قلب يوضح الحالة الخطيرة
..
والسونار
؟
..
أه مبين شيء غريب
حد راكن ع الصمام 
ايوة ساكن في الوريد
لا كمان عمال بيصرخ 
سبني ساكنه يا طبيب
..هو مين؟؟
..
دي حبيبته ال في خياله
حبها معشش في قلبه كمان وباله
؟…
يعني مرضه مش خطير؟
..
لا خطير 
والدوا ؟

لازم حبيبته تكون حلاله
تفضل بطول العمر كله معاه قباله
..
رسم قلبه؟
دقة القلب الجديدة فيها صوتها
هي من زمن الجمال
دي حورية من الجنان
عاشقة قلبه من زمان
..
يعني مش ممكن يعيش
الا بيها 
وفي عنيها
جوة صوتها
..
حالته صعبه
بس مش هيموت 
عشانها
والروشته
حب طول العمر بينهم
كل ثانيه 
د\سماح نوح
همسات د\سماح نوح

تعليقات الفيس بوك

التعليقات

عن رئيس التحرير طارق العجمى

مدير التخطيط والتطوير بمجلس الكتاب والأدباء والمثقفين العرب . ورئيس تحرير جديرة كتاب وشعراء العرب الإلكترونية .
x

‎قد يُعجبك أيضاً

*إفتتاح مهرجان الشعر الدولى لشعراء العالم وحوار الحضارات*

Spread the loveبنجاح منقطع النظير تم افتتاح مهرجان الشعر الدولى لشعراء العالم ...