الرئيسية / الشعر العامى . / *دموع الاقصى* /د.صبري اسماعيل

*دموع الاقصى* /د.صبري اسماعيل

Spread the love

دموع الأقصى
********
بعد ماطال الأمد——  ع الأقصى فى الغُربة
مستنّى لحظة مدد——وتكون هى الضربة
ويعِدّ ،ياما العدد———-لو كل إيد حربة…
*******
طلع الرجال يهتفوا——-ويسجّل الشُعراء
واهل الصُحف أسرفوا—-فى البنط والأنباء
مليون يمين يحلفوا—-هيكونوا م الشهداء
******
الأقصى سمع الهتاف——دخل الأمل قلبه
رغم السنين العجاف—-مالقاش أحد جنبه
يصرخ ولكن ماشاف–من شرقه ولا غربه
******
وحروب مابين العرب–وبكل دولة صراع
سوق العداوة اتقلب——وبيبدعوه إبداع
واللى زمان اشترانا—-دلوقتى صار بيّاع
******
أمريكا يا اهل العرب——حلفت تقسّمكم
علشان عيون اسرائيل—بجنونها تأمركم
آن الآوان تعقلوا——-وتوقفوا حروبكم
*****
مسرى النبى بخطر–إجروا بسرعة عليه
بلادنا ليه تنشطر—-وسبب صراعكم أيه
خايف من المنتظر—ويكون آخرنا التيه

بقلم

دكتور صبرى إسماعيل

تحرير

سعاد عدوش

تعليقات الفيس بوك

التعليقات

عن مشرف عام الأبواب وردة الأطلس

x

‎قد يُعجبك أيضاً

*البحر * بقلم محمد النور

Spread the loveالبحر بحر بلدي شاسع من عظمة ربي يحيط بالمغرب من ...