*حسي*

Spread the love

حسي وجع قلبي
حسي ياأشواقي
أنتي ربيع حبي
دايما على بالي
حسي حنين عيني
بعدك على عيني
كل المنى بقلبي
حضنك يغطيني

بردان انا بردان
ودفايا جواكي
أيوه انا عشقان
وبقلبي بهواكي
حسي الم صوتي
لو تنسي وتفوتي
كل اللي كان بينا
أنا هبتدي موتي

حسي عذاب الروح
والدنيا خنقاني
بيكي انا مدبوح
سكينة سرقاني
حسي وجعتيني
كان نفسي تحييني
معرفش ايه ذنبي
ضعفك بينهيني

تعبان انا تعبان
والراحة نسياني
بموت ومش ندمان
وتقولي عشقاني
حسي قسى وداعي
من وهمي وخداعي
لاتقولي ولا تحكي
خلاص مفيش داعي

حسي مابتحسيش
تايه في احساسك
طيفك مابيسيبنيش
مشتاق لانفاسك
وكل يوم بيفوت
ولا الف مرة بموت
وكل مافيا يصرخ
مابتسمعيلي صوت

وانا ماشي بكلامك
ومسلملك احساسي
تعبان علشان غرامك
حنون لكن قاسي
حسي خليني احس
أني هزمت الياْس
مدي ايدك خديني
كفيني بيكي وبس

*********************

بقلم أ/

احمد صبري

تحرير

صبرى عبادى

تعليقات الفيس بوك

التعليقات

عن صبري عبادي

x

‎قد يُعجبك أيضاً

*لا تبتعد*

Spread the loveسئمت الاغتراب فلا تبتعد ولن ابتعد لا تتركنى .. وحدى ...