الرئيسية / الشعر العامى . / *حتى القلم * للشاعر محمود وحيد

*حتى القلم * للشاعر محمود وحيد

Spread the love

حتى القلم
جوة أحضان الورق
سكت الكلام…
والدمع سال فوق الحروف
دابت عيون القلم
والبسمة فارقت سكته
سافرت مع الحلم اللى تاه
جوة الألم بيدق خوف
عن إيه هيكتب؟ كان السؤال
جوة السؤال مليون سؤال
داير يدور ع الإجابة
والجــــــواب محذوف
كل الكلام إتقال
وبكل الطرق
على كل شكل ولون
المعنى كان مكشوف
بس الضماير عــفنت
والغمام
فوق عيون القلب سارح
خلى العيون ما تشوف
تاهت خطاوى الأمنيات
جوة دروب الغلبانين
ما فضلش غير حبة أهات
متعلقين على حبل السنين
بيعجزوا الملهوف
مسكين يا هم القلم
عاجز توصل صرختك
عطشان مدادك للكلام
مسجونة جواه الحروف
سكت الكلام

****************

بقلم  

محمود وحيد

تحرير 

سعاد عدوش

تعليقات الفيس بوك

التعليقات

عن مشرف عام الأبواب وردة الأطلس

x

‎قد يُعجبك أيضاً

*البحر * بقلم محمد النور

Spread the loveالبحر بحر بلدي شاسع من عظمة ربي يحيط بالمغرب من ...