الرئيسية / الشعر العامى . / * جوا الدواير *

* جوا الدواير *

Spread the love

جوا الدواير ..دواير
ضيقة
مخنوقة ليه م العصافير
الشقشقة
والكلمة على باب السكات
متعلقة
وابتسامات
الفرحة
فى وش النهار
متشعلقة
والسنين موجة
فى حلق الحلم
ناسية الزقزقة
واقف ابو العيون
تزرع رصاص
دايس على حلم الخلاص
لكل شجرة ونخلة
يجنى فى حصاد عمرنا
وفاكر اننا
فى السوق بنباع رخاص
والصبر زارعه انا
فى العيون
جناين حب
لارضنا
يخضر شقوق الروح
ويروى جفاف الازمنة
كل الولاد فى المدارس
والحارات والامكنة
غزلين من القهر
جلم النهار
وفى سبحهم
وحلقات ذكرهم
بيقولوه اذكارهم
ومعلقينها
على صدور البنات
رايات بتهتف بقوة تاريخنا
اياك يا بكرة تخون
احلام الصغار
دافعين ثمن حلمهم
فى السجون
وفى الارض اللى شبعت من دمهم
راوين بساتين صبرهم
ونايمين على طرف العمار
مهما كان جدار الظلم
عالى
انا عزمى اعلى من الجدار
=================محمد عبد المقصود داود

تعليقات الفيس بوك

التعليقات

عن محمد صوالحة

x

‎قد يُعجبك أيضاً

لأني أحبك

Spread the loveولأني أحبكَ .. ألِفْتُ شوقيَ الجائع على بابِك يتسولُ خبزاً ...