* جميلة * للشاعر أبو عمار المصري

جـمــيــــــــــــلة
ما هو انت أجمل الجميلات
بكلِّ الماضى مِن عُمرى
وكل الآت
رَسَمتى بكُحلِتِك ..فَرحى
رقيتى بدعوتك قلبى
وحَــصَّــــنـتـيـه
مَـفيش غِـيرِك بِـبِــسكُن فيه
ولا يخَـــطّيـه
مَاهُو مِـلكِك
وكان خَالِى الغرام والشوق
ونظرة مِن عنيكِ السُود
بقى .مِلكشـك
فَـحِـبِّينى…..يا روح الروح
وقلبى أمَانَــة
حـافظِى عليه
ما هو …..إِ بنك
وانا لو يوم حَسَبت العُمر
يِبقى مِيلادى كان عَندِك
ويوم فى العُمر ويّاكى
سنين أفراح
يا أنقى من نسيم الفجر
وأجمل من قَمر ليلى
معاكى نسيت ..تَــبَــاريحى
وروحى ..ياروحى تِفد يكى
سِيبينى أحضُن الفَـرحة
سيبينى اشبَـع مِـنِ المَـكتوب
على جبينِك
خطوط بالطّـهر بِـتنَـوّر
وصُبح بحُسن مِـتعطَّر
ندى جبينِـك…
دة فضة ودايبة فى المَنديل
وطَرحة بتحضُن المواويل
ولفَّــة ملاية عاشقَـاكى
وانا عاشِـق
لِـمَـند يلِـك …وطَرحة ورنَّــة الخُــلخــال
يا بِـنت الحِتَّــة يا جميلة
يا بَدر بيِــهدى لِلشارع و لِلحارة
أصالة وعطر مِـتكرَّر
بِـشَـهد الـنـيـــــل

***********************
بقلم

 الشاعر أبو عمار المصري

تعليقات الفيس بوك

التعليقات