الرئيسية / الشعر العامى . / * جبيبي من الصعيد *

* جبيبي من الصعيد *

Spread the love
كان لى حبيب من بعيد

من أرض اسمها الصعيد

كان لى وليف

وبرغم إنه كان عنيد

كان الجميل فى محبته

كان الأصيل فى عشرته

كنت اسمعه يكون لى عيد

وبرغم انه كان بعيد

فى القلب ساكن وبه سعيد

من شريانى حتى الوريد

كان فيه ألم وفيه جراح

وفى عذاابى كان ارتياح

كان العزاب فيه العسل

ومهما الضنى منه حصل

بكلمة حنان منه وصل

قلبى لحد السماح

فى لحظه هبت الرياح

وفرقتنا وكانت الجراح غير الجراح

جراح عزبها فيه ألم

يشكى المواجع والندم

على حب ضاع

عنوانه تاه منى وضاع

واتقطعت كل الشراع

فى بحر موجه الصراع

بين اه ولا اسأل عليه

ولا دا كان اخر وداع

حبيبى كان هو الامان

ومرسى حبى اللى كان

تهت وتاهت المراكب فى زحام

بين آه ولا وبين عناد وبين كلام

وافترقنا بالجسد

لكن القلوب فى سر تانى بترتبط

وطال فراقنا

معرفش كان منا هبل ولا عبط

واشتياقنا نار بتأكل فى حطب

وكل منا فى حيطه لراسه خبط

وفى لحظه الوحى هبط

وحن لحبيبى الحنان

اللى كان من ذمان

كان من بعيد

من مكان اسمه الصعيد

******************
بقلم 
محمد البلاط

 

 

 

 

تعليقات الفيس بوك

التعليقات

عن نائب رئيس التحرير سلوي أحمد

x

‎قد يُعجبك أيضاً

زيت بذور اللفت الأكثر فعالية للحفاظ على القلب

Spread the loveتوصلت دراسة طبية، إلى أن زيت بذور اللفت يمكن أن ...