الرئيسية / أدب الكتاب / ….. ترمب …….. بقلم شيخ الشعراء …….. د . احمد الاعرج …. بيت لحم – فلسطين

….. ترمب …….. بقلم شيخ الشعراء …….. د . احمد الاعرج …. بيت لحم – فلسطين

Spread the love

ترمب

ترمب اقسم يمين
بالشمال وباليمين
انه يدعم بنيامين
يحط بحضنه السفاره

ترمب اطلق شراره
وعد بنقل السفاره
قبلك قالوا كلام كثير
رجعوا بخيبه وخساره

القدس فيها ابطال
عزيمتهم تهز جبال
اسأل نفسك كم سؤال
عن اطفال الحجاره

نحن قبلنا التحدي
نرد اللي متعدي
لو عندك مليون جندي
يطيروا بنفخة سيجاره

اسأل عنا المكبر
عن القدس بتخبر
بتكسر ما بتجبر
وتدوسك بالسياره

عزيمتنا ما بتلين
نحن شعب الجبارين
اسأل عن شعب فلسطين
واعرف ماهي اخباره

من غزه للناقوره
مرسومه بالطبشوره
وضح لك هذي الصوره
بصحيح العباره

من البحر للاغوار
في الشونة إسأل شو صار
يشهد عليهم آذار
ذاقوا فيه المراره

القدس بلد الاحرار
في كل شارع في ثوار
فيها جزار وعطار
يصطادوا بالسناره

ترمب لإسرائيل منحاز
بعمل لينا استفزاز
اللي بيته من قزاز
عم يضربنا بحجاره

راجع نفسك لا تتهور
لا تجتاز الخط الاحمر
انت اللي في الآخر تخسر
وشوف مسلسل باب الحاره

شيخ الشعراء
د احمد الاعرج
بيت لحم فلسطين

تعليقات الفيس بوك

التعليقات

عن نضال ابوغربية

x

‎قد يُعجبك أيضاً

( إشتقتُ عينيكِ ) ***** قصيدة ****** للأديب والإعلامي ******** ( يحيى عبد الفتاح )

Spread the loveقصيدة ( إشتقتُ عينيكِ )   إشتقتُ عينيكِ مازلت أبحث ...