الرئيسية / الشعر العامى . / *بنت الحتــــه*

*بنت الحتــــه*

Spread the love

“بنت الحته”
وكانت لما بتعدى ..بتهّدى الكل بسمتها
وكان فوق خدها الوردى
جناين توت..وضحكتها
نغم صافـــــى ولما تفوت
كانت تعزف بخطـــــوتها
وكل الدنيا عرفتهـــا
وعشقتها ..لــــــوجه الله محبتها
فــــــى قلب الكل
ولما تهل وتصبح على الجيره 
واهل الحى …كانت تبدر
محبه وضى وتدى الخلق وتفرق
بدون مطلب ولا مقابل
ووقت الشده بتقابل وبتواســـى 
وتمســـح دمعة الحزنان
وتذكر الله للناســـى وللعاصى 
كانت انســــان ..دم وروح 
ورغم قليبهـــا المدبوح 
كانت ساكته ولا بتبـــوح
ولا بتشكـــــى لغير الله
ومهما تزيد وتقسى الآه
كانت تصبر و تتحمـــــل
ووسط اصحابها تتجمل
وتتظاهر بضحكتهــا 
وجواها ومش ظاهر
وجع وأنين مسكتها/مموتها
مخليها كما الدميه فى يد الطفل
يرميها يمين وشمــــال
ولما يعوزها يلقاها فى نفس الحال
بتتمايل وتترقص عشــــان يفرح
وهى يا عينى مش لاقيه ولا مطرح
ولا انسان يحسسها بدنيتهـــا
يخفف عنها وحدتها 
ويمسح بايده دمعتها
ويفتح حضنه ويسعهــــا 
وبين دراعاته تنسى الآه وأوجعها 
يرجعها كما الأطفال
ويغسل قلبها الحمّال 
من الأوجاع ويتمرد على الأوضاع
ويبدر صدق ومحبه
و ييجي يطل ويشقر 
بلا مواعيد لا يتأخر
ولا حتى غيابه يزيد
وبالتأكيد يكون ساكن فى نني العين
ونبض القلب ..مايكونش عليها بعيد
*******
بقلم أ/حلمى قاسم

تحرير محمد مرعي الشريفـــ

بنت الحتة

تعليقات الفيس بوك

التعليقات

عن هاني الشريف

x

‎قد يُعجبك أيضاً

*عزاء واجب *

Spread the loveعزاء واجب ————– إنا لله وإنا إليه راجعون إنتقل إلى ...