* الفقير *

Spread the love

من فقرى هطلع من هدومى

وهدمتى راسمالى من يومى

ملقتش فى دنيتى غير دمعه

وغطتنى احزانى و همومى

سريرى ساتره جدران خشب

بنام وخايف تهدوها

سريرى فارشه ذل وتعب

عيونى بلاش تصحوها

اللقمه بتبقى فى ايديكم

لما تشفونى تخبوها

اكلى فتات من بواقيكم

لما بتتبقى وترموها

انا حلم عمرى لقمة عيش

انا ساتر جسمى بحبة خيش

انا اللى بينكم نفسى اعيش

وانتوا عايزين تعدمونى

من فقرى هطلع من هدومى

وهدمتى راسمالى من يومى

ملقتش فى دنيتى غير دمعه

وغطتنى احزانى و همومى

*************

بقلم 

محمد عاطف عبد المنعم 

تعليقات الفيس بوك

التعليقات

عن نائب رئيس التحرير سلوي أحمد

x

‎قد يُعجبك أيضاً

زيت بذور اللفت الأكثر فعالية للحفاظ على القلب

Spread the loveتوصلت دراسة طبية، إلى أن زيت بذور اللفت يمكن أن ...