الرئيسية / الشعر العامى . / العندليب احمد رجب

العندليب احمد رجب

Spread the love

بعنوان ( أنا منها )

أنا منها .. أنا الدم في شراينها
أنا منها .. أنا الدمع في عيونها
أنا منها .. أنا الشمس علي جيبنها
أنا منها … أنا منها

أنا الشارع والحارة
أنا للعلم منــــــــارة
انا الصانع والصنعة
انا الفلاح والـزرعة
انا الجندي والمدفع
أنا الشهم والمّجدع
أنا التاريخ والحضارة

أنا منها وحالف إني ما أخونها
وأعدي لها لــو كنت فين أجلها
وأعدي لها والمايّلة فيها أعدلها
أنا منها والدمعة اللي في عيونها
أمسحها وأفرحها وأبعدعنها أحزانها
أنا منها المركبة اللي في نليها
صّيادها والشبّكة علشانها أفردها

أنا منها عــــاشق ترابها ونليها
أنا الحـــارس علي حدودها
الجُندي اللي أبات سهــران
ومستحيل عيني تّغفل
وتسيبها لإنس كان أو جان

أنا منها وليها حبيب
وبأعشقها وجرحي يطيب
بنسمة من نسايمها
بأغني لها أنا العندليب

ويــردد غُنـــايا الطير
ومعايا علشانها يطير
وبأقولك يا بلد الخير
عايش ليكي كل ضمير
ماخفش يوم لُوُمة لايم
وصاحي دايما مش نايم
وحيـــاة ربك الـــدايم
يا بلدي لتكوني بخير
أنا منها وعلشانها
وعنوانها لكل ضمير

أنا الساقية اللي بتدور
بتروي الأرض وتثـــور
تنبّت أبطــــال ثــوار
كلهم أسود ونسـور

أنا الشهيد علشانها
والله شهيد لو أرجع
أموت تاني علشانها
بس ياريته ينفع

ومهما الليل طــــوّل
هايجي النهار م الأول
وياخدها من إيــدها
يوصلها لبر الأمـــان
أنا منها أنــا الإنسان

تعليقات الفيس بوك

التعليقات

عن admin

x

‎قد يُعجبك أيضاً

د.وصفي حرب تيلخ -تباركت يارب

Spread the loveـتباركت يا رب..(1) شعر: د.وصفي حرب تيلخ تباركت يا من ...