العار….زجل بقلم عبدالله إضامر

——- الزجل ———–
قصيده من ديوان الجمرة

  • العنوان : العار
    غسل يديك يا الطالب
    مني لمصافحة
    يا اللي مضى السيف
    ؤ تفنن فالدبحة
    وكحتي لعيون ؤ خنقتي
    فالقلوب الفرحة
    ؤ اليوم فالدلالة كتبري
    على لمصالحة
    ناوي بالنفخة تبرد
    ؤ الداوي الجرحة
    ؤ بالغربال تستر لوجه
    من لفضيحة
    هاذا العار ما يتسغل
    ؤ ما تزول الريحة
    دار الزمان ؤ خرف
    ها وراقو طايحة
    ؤ أنت لا تخبي وجهك
    يا لمحزم للشطحة
    واش يتنسى اللي عليا ؤعليك
    بالروح ضحى ؟
    رآه الذهب ما يسضي ؤما
    تدود الملحة
    وأنا ما مسمح ؤ ما
    نقلب الصفحة.

عبدالله إضامر ( المغرب )

تعليقات الفيس بوك

التعليقات