الرئيسية / آخر الأخبار / الشاعر العراقي الكبير عبد الكريم القصاب -عطش جوري

الشاعر العراقي الكبير عبد الكريم القصاب -عطش جوري

Spread the love

…… عطش جوري ………..
………………….. عبد الكريم القصاب
لا تغازلني آبندى وآحنا بخريف .
سومر الجوري ويبس خد الحرير .
آنا من أول عطش ذبلن آغصوني …
ونشف منديل العبير .
كَاعد وصافن عليّه ،
صافن وكلّي بديّه .
اِلّا روحي ، مدري وين !
لا تفزز صفنتي بجدحة ضمير .
بينك وبيني عطش جوري ومسافه ،
بينك وبيني أويلي ويا حسافه ،
بينك وبيني جرح كلّش جبير .
يا ولك ، …..
يل ما رهمت آويا البياض البيّه ، …..
……………… يل حبلك كَصير .
لا تودّيلي آويا نسمه ، ريشه بيضه …
…………………….... وكَلبك آسود .
فدوه خلّيني بصفنتي ، لا أموت .
صفنة المجروح معراج لسما الله ….
وغمضة آعيونه قنوت .
لا تفزز صفنتي بجدحة ضمير .
ما كو مفتاح اليفك باب لصفنتي .
راح آظل صافن لحد ما ألكَه روحي .
هناك يوم الألكَه روحي ،
راح آشوفلها مخدّه ،
وراح آشوفلها سرير .

تعليقات الفيس بوك

التعليقات

عن دكتور محفوظ

x

‎قد يُعجبك أيضاً

لاشِين عَرَّاف الْقَرْيَة بِقَلَم رَمَضَان بَر

Spread the loveلاشِين عَرَّاف الْقَرْيَة بِقَلَم رَمَضَان بَر فِي الثمانينات اُشْتُهِر لاشِين ...