* اصرخ *

Spread the love

كلمات كُتبت لمن يفهمها

************
اصرخ بصوت
مابيسمعوش إنسان
ارسم حيطان
من غير ببان
واداري فيها من الزمن
واعزف ……..
شجن
يمكن أنينك ينصفك
مادام حياتك
رافضة حتى تعرفك
احرق ملامحك
قطَع خلاص كل الصور
امشى بخيالك
بين خبايا البشر
على الأقل إن تاه 
ماحدش يعرفة
وأخبط دماغك 
فى الورق
شعبط حياتك 
فى الأمل
يمكن تطول المعجزات
اسأل ضميرك
لو يموت إيه العمل..؟
وإخطأ مع كل الذنوب
وجرب تتوب
مافيش حكيم 
فى الدنيا يقدر يرجعك
إنت الوحيد…
الىَ هاتفهم غلطتك.
دق .. دق بإيدك ع الهوا
نسمة عذابك تسمعك
أعزف فى لحن الأغبية
مابيفهموش
إن الكمنجة بتوجعك
والناي حزين
صوتة المعرج يقنعك
إنك يتيم
وصوت بيصرخ..
جوه ليل الميتين
لاكن أنين الميتين
مابتسمعوش ضعف النفوس
الحية بين الأودية
طب ليه تموت
جرب تدوم لو نص يوم
يمكن تعيش 2000 سنة
وتصحى تلقى إنك 
بترجع للبكى
فى حضن تاه 
منك فى حبل المشنقة
واسمع بقى 
اركض وسابق روءيتك
اسبق صاروخ أحلام
مهاجر للقمر 
يمكن تشوف
نورك يغطي ,,, نور الشمس 
يمكن تتوة بالفضا… و
تعزف على بقعة أمل 
ترسم على وش القمر 
صورة ضباب 
يبدده صرخة يتيم 
واقف بيسمع للاذان 
يشكي لربة كسوتة 
واقف يقطع جتته
وكل المنى 
لقمة تسد ف معدته
أصغر صبي شايفة نبي
ينصح عليل بيقول حكم
عمر الى ساند ع الفراغ
يبني حيطانه 
من شباك العنكبوت
….
أو يمكن أكون 
بقايا جنون
والعقل تايه مننا
بغرق وأعلق هدمتي
فوق المقام
وأفضل اشاور 
والي ع البر انجرف
كل المراكبية ف عجب
بضحك واجدف 
كيف رضيع بينام
شراع ده ولا راية إستسلام 
وأنا الى جثماني اتولد 
فى بيت أسد
بصبح طريد
ثعلوب مقنفذ 
جوه بيت الجرذ
خايف ينطرد
يورث ضبابة 
فجر متعاصة بندى
وكأني طير
عصفور بينقش بالعظام
فوق القبور
أمتى المشاعر يوم تثور
تايه يا خلق بدنيتي
ارسم صور وجه القمر
تجاعيدة مالية جبهتة 
بتقشعر منها السماء
تنزل مطر
وتجرف الصورة الحزينة 
من القمر
وأخبط فى راسى بالعظام
تنزل عبر من مقلتى
ليه الثعالب مستأسدة
ولية الأسد .. عايش وضيع
بيحكمة صوص الفراخ
الي اتولد بعده رضيع
والدنيا صبحت دايرة واقفة بالزمن
وعقارب الساعة 
بتحصد حتفنا
حتى الرضيع 
مولود وخالي من النعم 
ومن الحواس
عايش مداس 
للي حفي
يدعي لأمه بليل عقيم
رشفة حنين 
من حضن مات
فتحت شهيتة للكلام
بس لسان القلب 
لسه ما اتخرص
خايفين يكون أخرص كمان
بيحاكي صاحبة الى انطرم
يرسم لعينة الى اتعمت
لوحة بآنين النهنهة
تفضل تعيط من سكات
وتذكر القلب الى مات 
من 100 سنة
جرجر طموحك
اكتب كلام
بينك وبين السطر 
سر بيجهلوه
كل الى شافوا نقشتك
دردش مع كل الحكم
شوف المعانى والعبر
يمكن يكون المعنى
فيهم يقصدك

*********************

كلمات 

رئيس المجلس ورئيس مجلس الإدارة 

الشاعر الشريف د. جهاد أب محفوظ 

رئيس تحرير جريدة كتُاب وشعراء العرب 

الشاعر المصري طارق العجمي 

1897013_436094439870228_1548638385_n

تعليقات الفيس بوك

التعليقات

عن نائب رئيس التحرير سلوي أحمد

x

‎قد يُعجبك أيضاً

زيت بذور اللفت الأكثر فعالية للحفاظ على القلب

Spread the loveتوصلت دراسة طبية، إلى أن زيت بذور اللفت يمكن أن ...