الرئيسية / الشعر العامى . / * إنتي طلعتيلي منين *

* إنتي طلعتيلي منين *

Spread the love
انتي طلعتيلي منين 
**************************
إنتى طلعتيلي منين ودخلتي حياتى إزاي
فى عنيكي حنان وحنين وفى صوتك بحِّة نااى
طيبتك خلتنى صالحت الزمن الكداب النسّاى 
وفتحت بيبان للفرحة الجايِّة فى العمر الجااى
بحبك … بحبك.. بكل الحنان اللى فيكى 
واحبك بكل الجنون اللى فيياّ
واحبك الرضا والسماحة فى عنيكي
واحب ابتسامة شقيّة خفيّة
وسلمت عمرى آمانه فى إيديكى 
وعارفك حبيبه…. امينه….وفيّة
انا عشت لوحدى سنين وقفلت علييا الباب
طب شوفتك إمتى وفين وإزاي بقينا أحباب
ايه اللى عملتيه فييا ازاى جرحى على ايدك طاب
صاحيتى ربيع العمر يا عمرى ورجعتينى تاني شباب
بحبك … بحبك
بحبك بكل الحنان اللى فيكى 
واحبك بكل الجنون اللى فييا
واحب الرضا والسماحة فى عينيكي
واحب ابتسامة شقيه خفيّة
وسلمت عمرى آمانه فى إيديكى 
وعارفك حبيبه آمينه و وفيّة
وبحبك … بحبك..
******************
بقلم :
 
محمد فوزي ابودوح 
 
تحرير :
 
م. مازن فاروق اللبّان

تعليقات الفيس بوك

التعليقات

عن مهندس مازن اللبّان

x

‎قد يُعجبك أيضاً

* قصيدة الوطن *

Spread the love قصيدة / الوطن**************هذا الوطن ..يقبع فى أعماقناهذا الوطن ..يسبح ...