الرئيسية / الشعر العامى . / أنتى أمى : بقلم/ أميرة الألفى

أنتى أمى : بقلم/ أميرة الألفى

Spread the love

أنتى أمى
__________________
 يعنى إيه يموت شهيد
 يعنى دال وميم أكيد
 يعنى دموعنا من جديد
 يعنى صرخة ع الشهيد
 يعنى راحت منا روح
 يعنى هتزيد الجروح
 أما أم يروح ضناها
 فجأة تلقى حياتها نوح
 لما نلقى دموع بريئة
 نازلة تحرق فى الخدود
 لما تسود البسيطة
 يبقى ماتت الورود
 تسوى إيه حياتنا وإحنا
 كل حاجة حتى روحنا
 واقفة عاجزة بس حالفة
 أبدا ً ما تغمض جفونا
 قبل ما نجيب الحقوق
 قبل ما يطلع شروق
 لازم يرجع حق إبنك
 ونبطل قولة فروق
 عارفة يعنى إيه تحنى
 كل تراب أرضك بدمى
 عارفة يعنى إيه أهون
 ردى عليا يا أمى
 ده كل أم فيكى خايفة
 تولد عشانك ولد
 وتقولك شيلى وسمى
 ربى إبنك الولد
 إزاى يا أرض الجمال
 إزاى يا أرض الهرم
 سايبه حقه عادى ليهم
 إزاى يا أم الأمم
 من إمتى وأنتى اللى حاسه
 ولحاله شاهدة وشايفة
 إزاى بس أنتى ساكتة
 ولحقه عملتى ناسية
 يابلد المليون شهيد
 يا أم الشباب الحديد
 ياللى حبك فى دمه
 وكل يوم حبك يزيد
 أوعى تتهاونى فى دمه
 أوعى روحه يوم تهون
 خليكى فاكرة أنتى أمه
 ولا يرخص مهما يكون
 ده أنتى اللى منه إتوجعتى
 وياما إتوجع كتير
 ولا سابك يوم صرختى
 لكنك سيبتيه أسير
 أسير لناس هادره حقه
 ناس قاتلاه وشاربه دمه
 ومصعبش عليها براءة
 الطفل اللى قال أنا إبنه
 صرخة منه تقول أبويا
 صرخة بتقول إنجدونى
 تعبت ياناس إرحمونى
 إقتلونى إدبحونى
 بس لحضن أبويا أرجع
 لكلامه من تانى أسمع
 ده الدم اللى ياما سال
 عمره يوم ما كان حلال
 وأنا هكبر وحقه هاخده
 وأرجع حق ناس كتير
 منها شباب عاش ذليل
 تحت ظلم ناس سنين
 لكن أنا ليكى ومنك
 إتولدت أنا جوة حضنك
 وحقك ضرورى راجع
 ومش هيجيبه إلا إبنك
 وده عهد منى يا أمى
 ياللى دايما ً شايلة همى
 ياللى مهنش عليكى دمى
 هفضل إبنك وأنتى أمى

 بقلم/ أميرة الألفى

تعليقات الفيس بوك

التعليقات

عن سكرتيرة التحرير الكاتبة أميرة الألفي

x

‎قد يُعجبك أيضاً

*”المدفعجية” تحيى حفلات الربيع بالغردقة والجلاء والقرية الفرعونية*

Spread the loveتحيى فرقة المهرجانات “المدفعجية” عدة حفلات خلال أعياد الربيع، حيث ...