*أنا بعتذر*

Spread the love

أنا باعتذر عن كل كلمه قلتها
وكان يهون تحفظ مشاعرى سرها
أنا يوم ماشفتك دق قلبى وحس بيكِ
والمستحيل خدعت مشاعرى نظرة عينيكِ
انتِ اللى قربتينى منك
فقلت لك إنى باحبك
وكنت باتلهف أشوفك
وإنى أتلامس كفوفك
أنا باعتذر .. إن كان فى حبى شئ لخوفك
وصدقينى هاختفى ويَّا السنين
وأفتكِر أحلى شفايف
وأفتكر أجمل عينين
وهامحى كلمه قلتها بلسان برئ
مش ضعف منِّى .. أنا حتى لو مهزوم جرئ
وحاسبت نفسى بكل صدق ومش كلام
ومحيت كمان كلمة باحبك والسلام
وإن دق قلبى هاغلبه
وإن كان فى ضعفه هاصلبه
أنا باعتذر من كل قلبى .. لو حتى قلبك يطلبه

بقلم الشاعر أحمد وهبي……المحررة امال سلام

تعليقات الفيس بوك

التعليقات

عن آمال سلام

x

‎قد يُعجبك أيضاً

* سهولة الاعتقاد والحقيقة الصعبة *

Spread the love سهولة الاعتقاد والحقيقة الصعبة القصيدة النثرية بين استسهال تناولها ...