الرئيسية / أدب الكتاب / أنا المجنون الشاعر القروى الساخر عبدالهادى الشعراوى

أنا المجنون الشاعر القروى الساخر عبدالهادى الشعراوى

Spread the love

أنا المجنون
جنانى حرفه موزون
لايوم خنت
ولا تهت ولاسكرت
ولا حتى رضيت بظنون
ولا عمرى جريت ورى حد
وعندى الجمعة زى الحد
ولا خفت عصا ونبوت
ولا قلمى كاتم صوت
ومهما يكون
بخلى جنانى فى حروفى
يعلم فى جدار الكون
ما انا المجنون
جنانى تعشقه الأحبار
حروفى طرحها ثوار
معانى واضحة ع اللحظة
فى مسار
انا ابن النيل
ونيلى ياخلق ليا شعار
ولو يوم هجيت ظالم
بقلمى عمرى ما بجامل
ولا بضحك فى وش الخلق
وارميهم باشعارى
ولاعمرى نسيت نفسى
وحرفى يحكى عن همسى
وتشهد لى حيطان دارى
ولما حروفى تجرح ناس
بئن ياناس باشعارى
واسمعهم يقولو لبعض
داواد مجنون
وانا راضى اكون مجنون
مادامت كلمتى حرة
فى حبى وعشقى للسمرة
فى رسم الوردة والقمرة
ما انا المجنون
صحيح مجنون انا بيك
وكل حروفى تفديك
وترسم م الدموع فرحة
احب اشوفها فى عينيك
وبفرح لما اشوف رايتك
بترسل ضيها فى الكون
واغير لو حد جاب سيرتك
ولو مجنون
ما هو انتى عشقى وهوايا
يا ام الكون
………………
الشاعر القروى الساخر
عبدالهادى الشعراوى

17991176_1351365171615742_4985216112370193314_n

تعليقات الفيس بوك

التعليقات

عن samira mahasen

x

‎قد يُعجبك أيضاً

ذكاء اختارها لكم الأستاذ أنوار أومليلي

Spread the love قيل : دخلت امرأة على هارون الرشيد . وعنده ...