آآه يا زمـااااان..زجل عمل مشترك بقلم الزجال الراجي رمالي الزجال أحمد لغدير

مشاهدة
أخر تحديث : الثلاثاء 13 أكتوبر 2020 - 2:32 صباحًا
آآه يا زمـااااان..زجل عمل مشترك  بقلم الزجال الراجي رمالي الزجال أحمد لغدير

زجل ..☕🌿

آآه يا زمـااااان . …
كـثـرة الـقـرّٓاية
بـلا قـرايـة
هـذا قـاري حـسابـو مـزيان
هـذا ٱسْـطـور شـايفها
مـقـلوبـة
هدا تالف بين الدواية والأقلام
راكل الدنيا من زمان
غارق وسط لـوراق و الـكتوبة
….☕🌹☕
الـغٓلّٓة .. مٓحْطُـوبـة
الإرادة ..مـسلـوبـة
ومـا فيـها بـاس
العزبة بـنت الـناس
تبقى گالسة عانسة
ولي موٓلْفـة و مسانسة
العرسـان ..
دايـرين فـيها فـرسان
شاديـن العسّة
زايدين
للـحلوفة .. المعلوفة
لايْكاااات وقـلوبة
رافعين سْقْفْ الخُطوبة
☕✍️🌹🍁
الغالب الله ..
الأمـة ..
على أمرها مغلوبة
و لسان الحال يگول
آآغير هادي والتوبة
الزغبي لي جات فيه
و آآآمولى نوبة
🌿☕☕
هذا ..فيـدُّو تسبيح
دايرو ديباجة
و بيه قاضي شلة حاجة
لاخر مخصص فالنبيح
من أجل سـيادو
زايـد فـالتـبريح
سيجارة و بـيصـارة
قـصارة وشـطيح
ما فـالـهم غير لي يفهم
ولاّ مـــا
فـاهم ولآ حاجة
🌿🌿🌿
وكاين لي قرايتو نْفٔعاتْ
بْتٓاحْراميّات و الرّبْعـات
بالضّمـياطِي والطّلْسم
الحرز بالسم ٱمْزٓمّمْ
خــرْقٓة خْضرة وحْجُوبٓـة
🌿🌿☕☕
وكايـن لي غِ كايساين
الـمشية و الـدوزة
قاري فمدرسة الـحٓضْية
حـضية تابعة حـضية
ٱحضيني نحضيك
والحضّاي رازم
فراس الكـدية
حالف و عازم
ما يرمش
ما يحشم
و الـنفس
لايْحْهـا نـفْـحٓة فالـگوزة
☕☕🌿
و سعدات الناطق بالحق
ٱمْكتّم وفاش يتكلم
ما يكذب
ما يشهد الزور
داير بحساب الموت والقبور
الدنيـا فانيـة
الدنيا هااانية
الصـراحة راحـة
المـعقول مـقـبول
ومُختصر القـول
الهـدرة فالـضهر
خٓصـلٓـة قـبـيحة وٱغـدر
مـوشكيييييل
و فـيٓدْ بنادم الحـل

🌿☕💐🍁
عمل مشترك ..
الزجال ✍️الراجي رمالي
الزجال أحمد لغدير

تعليقات الفيس بوك

التعليقات

رابط مختصر